जळगावच्या कराटेपटूंनी पटकवला खानदेश चषक, सिटी स्पोर्ट्स अँड कराटे असोसिएशन तर्फे आयोजन
जळगाव, दि.11 (जनसंवाद live): सिटी स्पोर्ट्स अँड कराटे असोसिएशन जळगाव तर्फे वृंदावन हॉल कलिंका माता चौक जळगाव येथे “खानदेश चषक” 2025 राज्यस्तरीय खुल्या कराटे स्पर्धेचे 7 डिसेंबर रविवार रोजी आयोजन करण्यात आले होते. या स्पर्धेत महाराष्ट्रातून सुमारे 300 कराटे खेळाडूनी सहभाग घेतला होता या स्पर्धेचे समाजसेवक पवन कोळी, शिवसेना महानगर प्रमुख संतोष पाटील यांच्या हस्ते कराटेचे दैवत ब्रुस ली यांच्या फोटोंचे पूजन करून दिप प्रज्वलन करण्यातआले. यावेळी सिटी स्पोर्ट्स अँड कराटे असोसिएशन जळगाव चे पदाधिकारी .अजय काशीद, दिगंबर महाजन, ज्ञानेश्वर पवार, कराटे प्रशिक्षक आनंद मोरे, छोटू चौधरी, रुपेश डोळे, चंद्रकांत सपकाळे, योगेश साळी उपस्थित होते.
या सर्व मान्यवरांचे आयोजक अनंत सोनवणे, राजेश इंगळे यांच्या हस्ते पुष्गुच्छ देवुन सत्कार करण्यात आला. या स्पर्धा काता आणि कुमिते अशा दोन प्रकारात घेण्यात आल्या. या स्पर्धेत विद्यार्थ्यांनी जास्तीत जास्त गोल्ड मेडल मिळवून दुसऱ्या क्रमांकाचा खानदेश चषक सिटी स्पोर्ट्स अँड कराटे असोसिएशन जळगांव यांनी पटकावला. आलेल्या सर्व खेळाडूंना मेडल देवुन गौरविण्यात आले. यशस्वी सर्व खेळाडूंना सिटी स्पोर्ट्स अँड कराटे असोसिएशनचे कराटे प्रशिक्षक जोगिंदर मौर्य, अजय काशिद, दिगंबर महाजन, ज्ञानेश्वर पवार, करिष्मा आहिरे, योगेश साळी यांचे मार्गदर्शन लाभले.
